 |
| نصائح في غاية الاهمية للتقديم في الجامعات الحكومية والخاصة والاوراق المطلوبة للتقديم. |
أهلًا بكم من جديد زوار موقع وقناة فيروز التعليمي سنتعرف اليوم علي التقديم في الجامعات وكل ماتريد معرفتة عن الأوراق المطلوبة، ومعلومات اضافية عن الأوراق المطلوبة للتقديم في الكليات، وستقوم إدارة موقع فيروز التعليمي بشرح الأوراق المطلوبة للتقديم في الكليات المصرية، وأخيرًا نوضح لك نصائح في غاية الأهمية أثناء التقديم في الجامعات الحكومية والخاصة، وموضوع النهاردة عن الأوراق المطلوبة للتقديم في الكليات المصرية و نصائح هامة أثناء التقديم للجامعة لدفعة 2024 فلازم تكون عارف المعلومات دي قبل التقديم للكليات، وطبعا لو أنت لسه مش عارف معلومات عن الكليات المصرية ومحتار تقدم في كلية اي.؟ ، إدارة موقع فيروز التعليمي جمعتلك معلومات عن جميع الكليات وهتعرف في كل مقال عن (أقسام الكلية - نظام الدراسة - شروط الالتحاق - مجالات الدراسة - مميزات الدراسة - مجالات العمل بعد الدراسة - أماكن الكليات في مصر - تنسيق القبول للشعبة العلمية والأدبية) شوف سلسلة اعرف كليتك من خلال هذا الرابط "هنـــا".
↩ الأوراق المطلوبة للتقديم للكليات :-
● بعد اعلان نتيجة المرحلة الأولي والتانية للتنسيق هتحتاج الحاجات دي فجهزها من دلوقتي ...
- صورة بطاقة الترشيح .
- اصل شهادة الثانوية العامة + صورة منها .
- اصل شهادة الميلاد + صورة منها .
- صورة البطاقة الشخصية
- عدد ٦ صور حديثة مقاس ٤ في ٦ .
- استمارة ٢ جند [ للذكور فقط ] .
- المصاريف [ تختلف من كلية للتانية ] .
↩ نصائح هامة أثناء التقديم للجامعات المصرية لدفعة 2024
- صور بطاقة الترشيح بعد ما تطبعها حوالي 5 صور ، لأنك هتدخل بيها من بوابة الجامعة وهتبقي ضمن ورق التقديم وهتحتاجها .
- الصور مينفعش تبقي غير مقاس 4 في 6 لو روحت بصور صغيرة هترجع بيها ومش هياخدوا ورقك .
- استمارة 2 جند و 6 جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الأمن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
- بعض الكليات بتطلب دوسيه بلاستيك مع ورق التقديم ، عشان تحط فيه ورقك.
- شهادة الميلاد يفضل تكون حديثة و لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها وهيكون فيها الرقم الثلاثي ده .
- لما تروح تجيب استمارة 2 جند واستمارة 6 جند ، هتجيبها بالبطاقة فقط ، وممكن حد يجبهالك عادي .
- صورة البطاقة الشخصية مهمة في بعض الكليات فالكل يعملها احتياطي .
- انضم الآن إلي قناة الجامعات المصرية علي التليجرام عن طريق "الضغط هنـــا" !
- انضم الآن إلي قناة موقع فيروز التعليمي علي التليجرام عن طريق "الضغط هنـــا" !
- تابع الآن صفحتنا علي الفيسبوك بنزل كل ما يخص الكليات عن طريق "الضغط هنـــا" !
- تابع الآن جروب مملكة موقع فيروز التعليمي علي الفيسبوك عن طريق "الضغط هنـــا" !